وطن فى الوجدان .....

• يارب مصرذكرتها وحفظتها على مرالعصور من تتار ومجوس..يارب خلصها من قهر الجهل والوجه العبوس..يارب مصرجميلة وتسرالنفوس..اللهم احفظها ياحي ياقدوس

• رفعوا المصحف واستخبوا ورا الكتاب .. ونسيوا ان ربنا مبيحبش الكداب .. ولا يقبل دعوه بوسيط ولا من ورا حجاب .. شهوة السلطة افقدتهم العقل والصواب 

• يا ملك ياللى بتسجل الخطايا .. جهز دفاترك لناس مش شايفه غير نفسها فى المرايا .. نسيوا دينهم وافتكروا دنياهم .. كروشهم كبرت ونص شعبهم عرايا 

• دولة الجهل دى ساعه..ودولة العلم الى قيام الساعه ..ابدا عمر الجهل ما ساد..ولو قريتوا تاريخ البلاد ..حتلاقوا النصر دايما للاحرار... مش للاوغاد 

• ليه الجشع مسيطر على عقولهم ..وشايفين مصلحتهم وناسيين اللى كبرتهم ونورت عيونهم ..جابوا منين القسوة اللى فى قلوبهم ؟..يارب رد كيدهم الى صدورهم

• ياحزب الافك والرزاله .. بتجرى تسرق بلد فى عجاله .. فاكرها تكيه ولا وكاله .. حتخطفها وتحطها فى جيب السياله .. مش حتقدر ام الدنيا مليانه رجاله 

• يا أهل السياسه .. كفايه نخاسه .. وجعتوا راسنا .. وسياستنا واقتصادنا فى انتكاسه .. وكمان قصفتوا القلم .. وعاوزين تحرقوا الكراسه... حقا توارت الحرائر .. ورقصت البغايا ..!

                                 فن الكتابه .. وحد الحرابه

                     

فى زمن الحريه يحق لكل صاحب رأى أن يبدي رأيه بطريقه أو بأخرى , فالقلم قد أعطاه الله سبحانه وتعالى مكانه وذكره فى القرآن بالإسم وأعطاه مساحـة رائعـه للإبـداع يرسـم ويكتب ويخطط ويحسب وأعطي لكل من يملك قلـم ملكـة يبـرزها بقلمه فى أي أمــر مــن الامور سياسيا كان او فنيا او دينيا او اجتماعيا ومن هنا فالكـاتب لاحاكـم له ولا سلطــان عليه من أحد سواء كان رئيس تحرير أو رئيس جمهوريه شريطة أدب وأصـول الكتابـة, وبالتالي يكون الأمر برمته ملقى على ضمير الكاتب وهدفه وأغراضه فإن توافــرت هذه الآليات لماذا يضيق الحاكم بالقلم ؟ ولماذا يقيم عليه حد الحرابـه ويكفـره ويسومـه العذاب بمحاربته فى عمله ؟ كنت ومازلت أميـل الى عـدم اخضـاع الكاتـب للوظـائف وقوانينهــا فالابداع لا سقف له ولا قانون ولا أثق فى كـاتب له رئيـس أو مراجـع فمـا كتبه لن ينتمي اليه بل الى من أقره إذن هو انجب والمولود سمى بإسم الآخـر بعـد أن اضـاف او حـذف مشاء له يجب أن يكون هناك طرق أخرى مختلفه للتعامل مـع مـن يملـك القلــم تتيـح لـه الأمان والإستقرار والحريه بحيث لا تكن الكتابة يوما سببا فى تطبيق حد الحرابه علـى صاحب رأى أو مفكر

ماعاش من لم يذق طعم الحب .. ينهل من شفا الحبيب .. والحبيب يصب ... شهد الغرام مالوش مثيل .. فى الاصل هو ده .. الحب 

لا تذهبي .. من فضلك لا تروحى .. مازال لدى الكثير .. إبقي ولا تسحبي معاكى روحى .. حب العالم واحساسه بين ايديكي .. حنان الدنيا كله ليكي .. لا يوجد رجل يحبك حبي .. ولن يعطيكي رجل ما عندى .. تمهلى وفكرى فى عاشق ..... بك انت مجروح ... مع طيفك اعيش واحكى .. لخيالك اضحك واندهش وابكى .. شايف ابتسامتك فى البعد بين يقين وبين شك ... البعد يضاعف الشوق حبيبتي ملايين المرات .. اروح لمين يارب واشكى

بنبض قلبي اكتب .. لن يفهم لغتى سواك ... اول نبضة نطقت لك باسم هواك .. حروفك كم ابكتنى وكم من مرات اسعدتنى ... اروع ايا عمري عشتها معاك ... روحى بتحبك 

لو عاد الزمن للوراء .. لاخترت حبك .. سر الحب لديك .. انت سر الكلام .. حياءك جنون يثير اعتى الرجال .. انت كنز الغرام الدافي .. انت من خطف الانوثه من كل نساء الارض ... انت اصل الحب في الارض ... ليتك بجوارى الان .. لاسمعتك اروع ماقاله رجل لامراه .. ولانتزعت كل كلمات الهوى ... من قوامبس الغرام فى العالم ... واهديتها اليك .. لدى مخزون رهيب من الشوق يكفي كل نساء الارض .. لا تستوعبه الا مشاعر امرأه واحده .. هى انت .. ولو عاد الزمن للوراء .. لاخترت حبك انت

الربيع .. والبرد

في برد الشتاء اتذكر اول ليلة حب ... أتذكرين؟؟
.. كيف تحدثنا عن دفء السنين ؟ .. لم نشعر وقتها بالبرد .. فقد اذاب شوقنا الناري الجليد و الصقيع من حولنا .. اتذكرين .. ؟
مثل طفلين اصابنا جنون الانطلاق الى المجهول ..
يومها عرفنا معنى الحب .. ومن وقتها لم يصبنا البرد ..
وسقط فصل الشتاء .. من فصول الكون ..
لم نعد نعرف الا فصل الربيع ..
ربيع الحب ..

الفاشل فى الحب فاشل فى السياسة
يجب ان تحب فتاة 
يجب ان تحب وطنا 
وربما كانت الفتاة وطنا
احرص على الا تفشل فى حب الوطن